بادل برسیں گے یا سورج قہر ڈھائے گا؟ محکمہ موسمیات نے بتادیا

(کومل اسلم,عائمہ خان) شہر لاہور اور کراچی میں گرمی کی لہر بدستور برقرار ہے جبکہ محکمہ موسمیات کا کہنا ہے کہ  آئندہ 24 گھنٹوں میں بارش کا کوئی نہیں ہے۔

محکمہ موسمیات کے مطابق  شہر میں سورج کی تیز کرنوں نے درجہ حرارت بڑھا دیا، موجودہ 25 ڈگری سینٹی گریڈ  ریکارڈ، زیادہ سے زیادہ 35 ڈگری تک جانے کا امکان ہے،شہر کی ہوا میں نمی کا تناسب 55 فیصد ریکارڈ کیا گیا۔

ماہرین کا کہناہے کہ  آئندہ 24گھنٹوں کے دوران بارش کا کوئی امکا ن نہیں ہے جبکہ عالمی فضائی آلودگی کی درجہ بندی میں لاہور پہلے نمبر پر آ گیا۔

ائیر کوالیٹی انڈیکس کے مطابق  شہر میں فضائی آلودگی کی مجموعی شرح 225ریکارڈ کیا گیا،فیز 8ڈی ایچ اے 222،یو ایس قونصلیٹ میں شرح 254ریکارڈ،سید مراتب علی روڈ میں فضائی آلودگی کی شرح 176ریکارڈ   کیاگیا۔

یہ بھی پڑھیں:لاہور: کرنٹ لگنے سے 5 افراد بری طرح جھلس گئے

کراچی میں چوبیس گھنٹوں کے دوران موسم گرم اور خشک رہنے کا امکان ہے۔

محکمہ موسمیات کے مطابق ،شہر قائد میں گرمی کی لہر بدستور برقرار, مطلع صاف،سورج کے وار جاری ہیں،زیادہ سے زیادہ درجہ حرارت 38 سے 40 ڈگری سینٹی گریڈ تک رہنے کا امکان ہے۔

کراچی میں کم سے کم درجہ حرارت 25.3 ڈگری سینٹی گریڈ ریکارڈ ہوا جبکہ ہوا میں نمی کا تناسب 60 فیصد ہے، شہر  میں شمال مشرق سمت سے 9 کلو میٹر فی گھنٹہ کی رفتار سے ہوائیں چل رہی ہیں۔

ائیرکولیٹی انڈکس کے مطابق  شہر کا فضائی معیار بہتر ہے،دنیا کے آلودہ ترین شہروں میں کراچی 19 نمبر پر آگیا،پاکستان کے آلودہ ترین شہروں میں کراچی تیسرے نمبر پر موجود ہے جبکہ ہوا میں آلودہ ذرات کی مقدار 80 پرٹیکیولیٹ میٹرز ریکارڈ کی جارہی ہے۔

واضح رہے کہ کراچی میں کئی روز سے موسم گرم اور خشک ہے۔