گریمی ایوارڈز؛ بلی ایلش کا ’’وائلڈ فلاور‘‘سانگ آف دی ایئر قرار

(ویب ڈیسک)اعترافِ فن ہرفنکارکی ضرورت ہوتا ہے،ہرفنکارچاہتاہے کہ لوگ اس کے فن کوسراہیں اوراسکی ذات کو خراج تحسین پیش کریں،دُنیا بھر میں فنکاروں کے اعتراف فن کیلئے انہیں ایوارڈزسے نوازا جاتاہے۔

جس طرح آسکرکوفلمی دُنیااور ایمی کوٹی وی یعنی”چھوٹی سکرین کاسب سے بڑاایوارڈکہاجاتاہے اسی طرح گریمی کومیوزک کی دنیاکاسب سے بڑاایوارڈقراردیاجاتاہے ،جوگلوکاریاموسیقارگریمی ایوارڈ حاصل کرلیتاہے اس کے فن کی پختگی پرگویا مُہرتصدیق ثبت ہوجاتی ہے۔

اس سال لاس اینجلس میں رنگوں،روشنیوں اورخوشبوؤں سے سجی گریمی ایوارڈزکی رنگارنگ تقریب  میں موسیقی کے عالمی ستاروں نے شرکت کرکے تقریب کو چار چاند لگا دیئے، سانگ آف دی ایئر 2025 گلوکارہ بلی ایلش کے ’’وائلڈ فلاور‘‘ کے نام رہا۔

 بہترین نئی فنکارہ کا گریمی ایوارڈ 26 سالہ اولیویا ڈین کو مل گیا جبکہ البم آف دی ایئر اور بہترین گلوبل پرفارمنس کا ایوارڈ پورٹو ریکو کے ریپر’’بیڈ بنی‘‘ نے اپنے نام کیا۔

یہ بھی پڑھیں:ملکہ نورجہاں کا قیمتی ہار ہالی ووڈ اداکارہ کے پاس کیسے پہنچا؟نئی بحث چھڑگئی
 

| GRAMMYS 2026: Bad Bunny gana el Grammy a Álbum del Año con DeBÍ TiRAR MáS FOToS: pic.twitter.com/ZBSRjVyudV

— AlertaNewsPlus (@AlertaNewsPlus) February 2, 2026

بہترین سانگ رائٹر ایمی ایلن قرار پائیں۔

 ایوارڈ شو میں سٹیج پر موسیقاروں کی جانب سے پرفارمنسز پیش کی گئیں، جنہوں نے حاضرین کو جھومنے پر مجبور کر دیا۔