افتخار احمد نے اسد شفیق سے بدتمیزی پر معافی مانگ لی

(ویب ڈیسک) سندھ پریمیئر لیگ میں شریک قومی کرکٹ ٹیم کے آل راؤنڈر افتخار احمد نے میچ کے دوران سابق ٹیسٹ کرکٹر اسد شفیق سے بدتمیزی پر معافی مانگ لی۔

سماجی رابطے کی ویب سائٹ ایکس پر آل راؤنڈر افتخار احمد کا واقعہ پر افسوس کا اظہار کرتے ہوئے کہنا تھا کہ میں اپنے رویے پر نہایت ہی معذرت خواہ ہوں، مجھے اس طرح کی حرکت نہیں کرنا چاہیے تھی۔

I am extremely apologetic for my behaviour in the field today. I shouldn’t have reacted the way I did in the heat of the moment. I’ve apologised to @asadshafiq1986 Bhai in person after the match & have always held great regards for him. We have played a lot of cricket together.

— Iftikhar Ahmad (@IftiMania) January 31, 2024

اُن کا کہنا تھا کہ جو ہوا وہ میچ کی گرما گرمی میں ہوا، میں نے میچ کے بعد اسد شفیق سے معذرت کا اظہار کیا تھا۔ ہم نے اکٹھے کافی کرکٹ کھیلی ہے، اسد شفیق کا کافی احترام کرتا ہوں۔

مزید پڑھیں:  پنجاب کے بیشتر علاقوں میں موسلادھار بارش سے موسم مزید سرد

Iftikhar Ahmed got aggressive with Asad Shafiq

Was this a bit on the unprofessional side? Who's wrong here? #Iftimania pic.twitter.com/QIqDGdcFSl

— Alisha Imran (@Alishaimran111) January 31, 2024

واضح رہے کہ شہر قائد کے نیشنل اسٹیڈیم میں جاری ایس پی ایل کے میچ میں کراچی کی جانب سے کھیلتے ہوئے افتخار احمد نے لاڑکانہ کے کپتان اسد شفیق کو آؤٹ کرنے کے بعد تلخ لہجہ اختیار کیا تھا۔

میچ کے دوران دونوں کھلاڑیوں میں شدید گرما گرمی ہو گئی تھی تاہم میدان میں موجود کھلاڑیوں نے بیچ بچاؤ کرا دیا تھا۔