عاصم افتخار احمد پاکستان کے نئے سیکریٹری خارجہ مقرر

(ویب ڈیسک) عاصم افتخار احمد کو پاکستان کا نیا سیکریٹری خارجہ مقرر کردیا گیا ,وہ اس وقت اقوام متحدہ میں پاکستان کے مستقل مندوب ہیں۔
نائب وزیراعظم و وزیر خارجہ اسحاق ڈار نے سماجی رابطے کی سائٹ ایکس (سابقہ ٹوئٹر) پر اہم سفارتی تقرریوں اور تبدیلیوں کا باقاعدہ اعلان کر دیا ۔
اسحاق ڈار نے بتایا کہ اقوام متحدہ میں پاکستان کے موجودہ مستقل مندوب عاصم افتخار احمد کو نیا سیکریٹری خارجہ مقرر کر دیا گیا ہے، وزیراعظم شہباز شریف نے ان کی تعیناتی کی منظوری دے دی ہے۔

The 33rd Foreign Secretary of Pakistan, Ambassador Amna Baloch, after a distinguished career spanning over three decades and her tenure as Foreign Secretary since 11 September 2024, will retire from government service on 17 September 2026. I commend her dedicated service and…

— Ishaq Dar (@MIshaqDar50) September 9, 2026

نائب وزیراعظم نے امید ظاہر کی کہ عاصم افتخار احمد اپنی بہترین پیشہ ورانہ صلاحیتوں کے ساتھ دفتر خارجہ کی قیادت کریں گے اور عالمی سطح پر پاکستان کے مفادات کو مؤثر انداز میں آگے بڑھائیں گے۔
موجودہ سیکریٹری خارجہ آمنہ بلوچ 17 ستمبر کو اپنی مدتِ ملازمت اور تین دہائیوں پر محیط سروس مکمل کر کے ریٹائر ہو جائیں گی، وہ 11 ستمبر 2024 سے اس منصب پر خدمات انجام دے رہی ہیں،ریٹائرمنٹ کے بعد آمنہ بلوچ کو ترکیہ میں پاکستان کا نیا سفیر مقرر کیا جائے گا۔

یہ بھی پڑھیں:بجلی بلوں میں سلیب سسٹم کے نفاذ کیخلاف نیپرا سے تفصیلی جواب طلب
نائب وزیراعظم اسحاق ڈار نے آمنہ بلوچ کی مشکل وقت میں وزارت خارجہ کے لیے خدمات اور ان کی شاندار قیادت کو زبردست الفاظ میں سراہتے ہوئے انہیںخراجِ تحسین پیش کیاہے۔