سیکیورٹی فورسز کابلوچستان میں آپریشن،دو دہشت گرد ہلاک ،دو گرفتار

(24نیوز)سیکیورٹی فورسز کی جانب سے بلوچستان کے ضلع دُکی میں انٹیلی جنس بنیاد پر آپریشن کیاگیا،شدید فائرنگ کے تبادلے میں انڈین اسپانسرڈ دو دہشت گرد ہلاک ہوگئے جبکہ دو دہشت گرد گرفتارکرکے اسلحہ، گولہ بارود اور دھماکہ خیز مواد برآمد کرلیاگیا۔
آئی ایس پی آرکے مطابق آپریشن 28 جون کو بھارتی ایجنٹ تنظیم ’’فتنہ الہندستان‘‘ کی موجودگی کی اطلاع پر کیا گیا، گرفتار دہشت گرد علاقے میں متعدد تخریبی کارروائیوں میں ملوث رہے ہیں،علاقے میں کلیئرنس آپریشن اور باقی ماندہ دہشت گردوں کی تلاش جاری ہے۔

یہ بھی پڑھیں:وزیراعظم شہبازشریف کی چوہدری نثارعلی خان کے گھر آمد
آئی ایس پی آرکے مطابق پاکستانی فورسز بھارتی سرپرستی میں ہونےوالی دہشت گردی کے خاتمے اور دہشت گردوں کو انصاف کے کٹہرے میں لانے کے لیے پرعزم ہیں۔