ابوظہبی ٹی 10 ٹورنامنٹ :یو اے ای بلز نے عجمان ٹائٹنز کو3وکٹوں سے ہرا دیا

(24 نیوز )ابوظہبی ٹی 10 ٹورنامنٹ کے 26ویں میچ میں یو اے ای بلز نے عجمان ٹائٹنز کو 3 وکٹوں سے ہرا دیا ، عجمان ٹائٹنز نے پہلے بیٹنگ کرتے ہوئے 5 وکٹوں پر 126 رنز بنائے۔

 انورین ڈونلڈ نے 11 گیندوں پر 24 سکور کیے ،جس میں 1 چھکا اور 3 چوکے شامل تھے ، الیکس ہیلزنے 7 گیندوں پر 13، روسو نے 12 گیندوں پر 26 ، جوئی کلارک نے 8 گیندوں پر 15، معین علی نے 11 گیندوں پر 29، لارنس نے 4 گیندوں پر 4، کرس گرین نے 7 گیندوں پر 10 رنز بنائے ۔

محمد روہد ، فضل حق فاروقی ،جنید صدیقی نے 1-1 وکٹ حاصل کی ، قیص احمد نے 2 کھلاڑیوں کو پویلین کی راہ دکھائی ، یو اے ای بُلز نے مطلوبہ ہدف 7 وکٹوں کے نقصان پر حاصل کر لیا، ٹم ڈیوڈ نے 12 گیندوں پر 40 رنز کی برق رفتار اننگز کھیلی جس میں 5 چھکے اور 2 چوکے شامل تھے۔

 کیرن پولارڈ نے 11 گیندوں پر 27 ، سنیل نارائن نے 13 گیندوں پر 26 سکور کیے، رومیرو نے 11 گیندوں پر 19 سکور کیے۔وسیم اکرماور کرس گرین نے 2-2 کھلاڑیوں کو پویلین کی راہ دکھائی ، عاقف جاوید، زمان خان اور پیوش چاولہ نے 1-1 وکٹ حاصل کی۔

یہ بھی پڑھیں :مری گلاس ٹرین:سٹیشنز اور کرایے کی تفصیلات سامنے آگئیں