یوم تکبیر: پاکستان کو ایٹمی طاقت بنے 24 سال مکمل ہوگئے
Stay tuned with 24 News HD Android App
(ویب ڈیسک) پاکستان کو ایٹمی طاقت بنے 24 سال مکمل ہو گئے، اسی مناسبت سے آج پورے ملک میں یوم تکبیر قومی جوش و جذبے سے منایا جا رہا ہے اورملک بھر میں خصوصی تقریبات ہوں گی۔
یہ بھی پڑھیں:وزیراعظم نے بڑے ریلیف پیکج کا اعلان کردیا
24 برس قبل، 28 مئی 1998 کو پاکستان نے نواز شریف کے دور حکومت میں بلوچستان کے علاقے چاغی میں دھماکوں کے ذریعے بھارت کے ایٹمی دھماکوں کے جواب میں 5 کامیاب ایٹمی دھماکے کیے تھے، ایٹمی دھماکوں کے بعد پاکستان نے مسلم دنیا کی پہلی اور دنیا کی ساتویں ایٹمی طاقت بننے کا اعزاز حاصل کیا تھا اور اسی دن کو " یوم تکبیر” کے نام سے یاد کیا جاتا ہے۔
پاکستان نے ایٹمی صلاحیت حاصل کرنے کے بعد ایسے کئی میزائل بھی بنائے اور کامیاب تجربات کیے جو ایٹمی ہتھیار لے جانے کی صلاحیت بھی رکھتے ہیں۔
پاکستان اور ہندوستان نے پہلی مرتبہ1998 میں3، 3ہفتوں کے وقفے سے ایٹمی ہتھیاروں کے تجربات کیے تھے۔ ڈاکٹرعبدالقدیر خان کے مطابق پاکستان کے جوہری سائنسدانوں نے سنہ 1984 میں جوہری بم تیار کرنے کی صلاحیت حاصل کر لی تھی۔