عمران خان پاکستانی تاریخ کے سب سے وی آئی پی قیدی ہیں، طلال چودھری

(24نیوز)وزیر مملکت برائے داخلہ طلال چودھری کا کہنا ہےکہ  بانی پی ٹی آئی عمران خان  پاکستانی تاریخ کے سب سے  وی آئی پی قیدی ہیں۔

پی ٹی آئی نے عمران خان سے ملاقات نہ کرانے کا معاملہ سینیٹ میں اٹھادیا۔  پی ٹی آئی کے سینیٹر فیصل جاوید نے کہا کہ بتایا جائے بانی پی ٹی آئی سے ملاقات کب کرائی جائےگی؟

جواب میں وزیرمملکت برائے داخلہ طلال چودھری نے کہا کہ بانی پی ٹی آئی پاکستان کی تاریخ کے سب سے وی آئی پی قیدی ہیں ، بانی پی ٹی آئی کے پاس 6 بڑی بیرکس ہیں ، ملک میں کسی قیدی کے پاس باورچی اور ایکسرسائز مشینیں نہیں ہیں۔

طلال چودھری  نےکہا کہ سیاسی ڈرامہ لگانےکیلئے جیل رکھی ہوئی ہے ، یہ ڈرامہ لگانے کے لیے جیل کے سامنے بیٹھ جاتے ہیں، ضمنی انتخاب ہار گئے ، پرفارمنس کچھ نہیں ہے۔

یہ بھی پڑھیں:افسوسناک خبر! اختیار ولی خان کی والدہ انتقال کر گئیں