گلگت میں سیلابی تباہ کاریاں،سرچ آپریشن جاری

 گلگت کے مختلف علاقوں میں سیلابی تباہ کاریوں کے بعد ریسکیو اور سرچ آپریشن جاری ہے۔ 

ترجمان صوبائی حکومت فیض اللہ فراق  کے مطابق تھک بھاشہ کے مقام پر سرچ آپریشن کے دوران  سیلابی ملبہ میں انسانی جسم کے کچھ اعضا ملے ہیں،جسمانی اعضا  کی شناخت کیلئے ڈی این اے کی ضرورت ہے،انتظامیہ و پولیس نے انسان جسمانی اعضا اکھٹے کئے ہیں جلد شناخت کیلئے  فرانزک  بھیجے جائیں گے ۔ 

ترجمان صوبائی حکومت  کے مطابق نیاٹ ویلی بھی سیلابی تباہیوں کی بھینٹ چڑھ گئی ہے،نیاٹ ویلی میں 8 چھوٹے چھوٹے گاؤں نیست و نابود ہوگئے ہیں،ان کا کہنا تھا کہ امدادی کاروائی کو تیز کرنے کیلیے ڈپٹی کمشنر کو نیاٹ ویلی روانہ کر دیا گیا ہے ۔  

یہ بھی پڑھیں: ملک بھر میں تیزہواؤں اور گرج چمک کیساتھ بارش کی پیش گوئی