جلسےجلوس کرنیوالے کیمرے کی آنکھ سے نہیں بچ سکیں گے،نیاسافٹ ویئرلانچ

( علی ساہی )جلسے، جلوس،احتجاج اور دنگے فساد کرنے والے کیمروں کی آنکھ سے نہیں بچ سکیں گے،سیف سٹی اتھارٹی نے  مظاہرین کی شناخت کے لئے نیا سافٹ وئیر لانچ کردیا۔
شہر کے کسی بھی روڈ پر مظاہرین اکٹھے ہونگے تو کیمرے فوری نشاندہی کریں گے،گاڑیاں اور موٹرسائیکلوں کی مخصوص تعداد اکٹھا ہونے پربھی کیمرےپوائنٹ آؤٹ کریں گے۔
سیف سٹی حکام کے مطابق کیمروں کی مدد سے مظاہرین کی شناخت،ڈنڈے اوراسلحہ کی نشاندہی ہوگی،پارٹی پرچموں کی بھی شناخت اورتعداد سامنے لائی جائے گی ،اس کے علاوہ مظاہرین میں کریمنل ریکارڈ ہولڈرز کو بھی نمایاں کیا جائےگا۔

یہ بھی پڑھیں:سیلابی ریلوں نےتباہی مچادی، ستلج ،راوی اورچناب بپھرگئے،48گھنٹے انتہائی اہم

حکام کے مطابق مظاہرین کے اکٹھےہوتے ہی کیمروں کی مددسے فوری الرٹ جنریٹ ہوگا،الرٹ جنریٹ ہوتے ہی متعلقہ پولیس کو آگاہ کردیا جائےگا،اس نئے سافٹ وئیر سے پولیس کواحتجاج وجلسے وجلوسوں کی مانیٹرنگ میں مددملےگی۔