سرمد کھوسٹ کو سول ایوارڈ نہ دینے پرسیمی راحیل کھل کر بول پڑیں

(ویب ڈیسک)پاکستانی  سینئر اداکارہ سیمی راحیل نے 2023 کے صدارتی ایوارڈز کی فہرست سے سرمد کھوسٹ کا نام نکالے جانےپر ہدایت کار کے فن کی تعریف کردی۔

تفصیلات کے  مطابق اداکارہ  سیمی راحیل نے انسٹاگرام اسٹوری پر لکھا کہ لاتعداد کئی مستحق فنکاروں کو بار بار نظر انداز کیا جارہا ہے، اور وہ بھی صرف ایک ایوارڈ کے لیے۔

انہوں نے نامور ہدایت کار سرمد کھوسٹ کو ٹیگ کرتے ہوئے ان کی فن کی تعریف کی اور لکھا کہ "آپ بہترین اداکاروں میں سے ایک ہیں۔"

یاد رہے کہ یوم پاکستان کے موقع پر ایوان صدر میں سول اعزازات کی تقریب سے ایک روز قبل سرمد کھوسٹ نے انکشاف کیا تھا کہ ان کا نام ستارہ امتیاز کی فہرست سے نکال دیا گیا ہے جو انہیں 23 مارچ کو وصول کرنا تھا۔

یہ بھی پڑھیں:پاکستان سمیت دنیا بھر میں پام سنڈےکاتہوارمنایا جا رہاہے

گزشتہ روز (23 مارچ) یوم پاکستان کے موقع پر ایوان صدر میں ملک کے لیے نمایاں خدمات انجام دینے والوں کو اعلیٰ ترین سول اعزازات دینے کی تقریب منعقد ہوئی,تقریب میں سجل علی، عدنان صدیقی، واسع چوہدری، راحت فتح علی خان سمیت دیگر نامور شخصیات کو صدارتی اعزازات سے نوازا گیا تھا۔