پاکستان کو ایمرجنگ ایشیا کپ ٹائٹل جیتتے دیکھ کر مزہ آ گیا، شاہد آفریدی

(مانیٹرنگ ڈیسک ) پاکستان کرکٹ ٹیم کے سابق کپتان اور پوری دنیا میں  اپنی جارح مزاج بیٹنگ کی وجہ سے مشہور بوم بوم آفریدی نے پاکستان شاہینز کے ہاتھوں ایمرجنگ ایشیا کپ فائنل میں بھارت کی شکست  پر زبردست ردعمل دیا ہے ۔

تفصیلات کے مطابق سماجی رابطوں کی سائیٹ ٹویٹر پر پاکستان کرکٹ بورڈ کی جانب سے جاری فاتح ٹیم کی تصویر کو ری ٹویٹ کرتے ہوئے شاہد آفریدی عرف ’’لالہ ‘‘نے لکھا کہ ’’کام ایسے کیا جاتا ہے‘‘ ساتھ ہی انہوں نے ایمرجنگ ایشیا کپ کا ٹائٹل جیتنے پر ٹیم کی تعریف کی، شاہد آفریدی کے مطابق ایمرجنگ ایشیا کپ کا ٹائٹل جیت کر مزہ آ گیا،پورے میچ میں کھلاڑیوں کے اندر زبردست جذبہ دیکھا،طیب طاہر کی سنچری کسی ٹریٹ سے کم نہ تھی ،صائم ایوب اور صاحبزادہ فرحان کا شاندار آغاز نے پاکستان کی جیت میں کلیدی کردار ادا کیا ، نامور کرکٹر نے امید ظاہر کی کہ  نوجوان آئندہ بھی اسی طرح کھیل پیش کرتے ہوئے جیت اپنے نام کریں گے ۔

That's how you do it! Treat to watch PAK team win the title. Amazing passion all across the field. Tayyab Tahir's century was also a treat to watch, Saim Ayub, and Sahibzada Farhan's remarkable start were vital. Keep the spirit going and may you continue to win more titles.… https://t.co/Z7lOYDhILl

— Shahid Afridi (@SAfridiOfficial) July 23, 2023

>

 واضح رہے کہ پاکستان نے ایمرجنگ ایشیا کپ کے فائنل میں بھارت کو 128 رنز کے بڑے مارجن سے شکست دیتے ہوئے ٹائٹل کا خوبصورتی سے دفاع کیا ہے ۔