جمعہ کی چھٹی ختم،نوٹیفکیشن بھی جاری
Stay tuned with 24 News HD Android App
(زاہدبشیرچودھری )آزاد حکومت ریاست جموں و کشمیر نے جمعہ کی چھٹی ختم کردی۔
صدر آزاد کشمیر کی منظوری کے بعد جمعہ کو ورکنگ ڈے قراردیتے ہوئے 40ویں کابینہ اجلاس کے فیصلے کی روشنی میں اہم نوٹیفکیشن جاری کردیاگیا۔
سروسز اینڈ جنرل ایڈمنسٹریشن ڈیپارٹمنٹ نے باضابطہ حکم نامہ جاری کردیاہے جس کے تحت اب جمعہ کے روز تمام سرکاری دفاتر معمول کے مطابق کھلے رہیں گے۔
آزاد کشمیر کے تمام سرکاری محکموں میں فوری طور پر نئے احکامات نافذکردیئے گئے ہیں،نوٹیفکیشن کے مطابق فیصلہ فوری طور پر قابلِ عمل ہوگا،سیکرٹریٹ سمیت تمام سرکاری اداروں کو عملدرآمد کی ہدایات جاری کردی گئی ہیں۔
یہ بھی پڑھیں:عالمی منڈی میں تیل کی قیمتوں میں اضافے کا سلسلہ جاری
تمام ڈویژنز، یونیورسٹیز اور سرکاری اداروں کوبھی نوٹیفکیشن ارسال کردیاگیاہے،اس کے علاوہ اکاؤنٹنٹ جنرل، آئی جی پولیس اور دیگر محکموں کو بھی احکامات جاری کردیئے گئے ہیں۔