گورنمنٹ کالج یو نیورسٹی میں داخلہ کے خواہشمند طلبا کیلئے بڑی خبر

Oct 23, 2021 | 20:08:PM
گورنمنٹ کالج یونیورسٹی،طلبا،اہم خبر
کیپشن: گورنمنٹ کالج یونیورسٹی،فائل فوٹو

(24نیوز)گورنمنٹ کالج یونیورسٹی میں انٹرمیڈیٹ داخلوں کے لئے ٹیسٹ کا انعقاد،یونیورسٹی دو روز میں 15 ہزار طلباء کا ٹیسٹ لے گی۔

 تفصیلات کےمطابق گورنمنٹ کالج یونیورسٹی میں انٹرمیڈیٹ ٹیسٹ دو روز تک جاری رہے گا،پہلے روز وائس چانسلر پروفیسر ڈاکٹر اصغر زیدی نے جی سی یو ٹیسٹ سنٹرز کا دورہ کیا۔وائس چانسلر کے مطابق یونیورسٹی دو روز میں 15 ہزار طلباء کا ٹیسٹ لے گی۔میٹرک میں نمبروں کی بھرمار کے باعث جی سی یو نے انٹری ٹیسٹ کا فیصلہ کیا،ٹیسٹ پاس کرنے والے طلباء کے انٹرویوز بھی ہوں گے۔ٹیسٹ اور انٹرویوز کا مقصد بہترین طلباء کو میرٹ پر ایڈمیشن دینا ہے۔

یہ بھی پڑھیں:اداکارہ اشنا شاہ کی نئی غیر مہذب تصاویر نے سوشل میڈیا پر بھونچال پیدا کر دیا

واضح رہے کہ گورنمنٹ کالج یونیورسٹی نے انٹرمیڈیٹ داخلہ پالیسی تبدیل کرنے کا فیصلہ کیا ہے،رواں سال داخلے صرف میٹرک کے نتائج کی بنیاد پر نہیں ہوں گے۔وائس چانسلر پروفیسر اصغر زیدی کے مطابق انٹرمیڈیٹ پروگرامز میں داخلوں کیلئے ٹیسٹ لیا جائے گا۔ میرٹ داخلہ ٹیسٹ اور انٹرویوز کی بنیاد پر مرتب کیا جائے گا۔ داخلہ ٹیسٹ اور انٹرویوز جی سی یونیورسٹی خود تیار کرے گی۔

یہ پہلی مرتبہ ہے کہ جی سی یو انٹرمیڈیٹ میں داخلے میٹرک نتائج کی بجائے ٹیسٹ کی بنیاد پر کرے گا، داخلہ ٹیسٹ جی سی یونیورسٹی میں آج اورکل( 24 اکتوبر کو لیا جائے گا جبکہ انٹرویوز 27 اور 28 اکتوبر کو ہوں گے۔