لندن میں بھارتی ہائی کمیشن خالصتان کے نعروں سے گونج اُٹھا

(ویب ڈیسک) برطانیہ میں خالصتان تحریک کے حق میں ہزاروں سکھوں نے بھارتی ہائی کیمشن کے سامنے احتجاجی مظاہرہ کیا، اس موقع پر لندن کا علاقہ بھارت کیخلاف نعروں سے گونج اٹھا۔

تفصیلات کے مطابق بھارتی مظالم کے خلاف لندن میں قائم بھارتی ہائی کمیشن کے سامنے ہزاروں سکھوں نے بھرپور احتجاج کرتے ہوئے خالصتان تحریک کے حق میں نعرے بازی کی۔

اس مظاہرے کا اہتمام فیڈریشن آف سکھ آرگنائزیشن اور سکھ جوانوں کی تنظیموں نے مشترکہ طور پر کیا تھا، مظاہرے میں برطانیہ کے دیگر شہروں سے بھی بسوں کے ذریعے ہزاروں شرکاء لندن پہنچے، مظاہرے میں خواتین اور بچوں کی بھی بڑی تعداد شریک تھی۔

A large number of Sikhs protesting in San Francisco demanding Khalistan! Why Indian media reporting about protests in London but not in San Francisco? pic.twitter.com/ekdQrNc1Cr

— Ashok Swain (@ashoswai) March 22, 2023

بھارتی ہائی کمیشن کے اطراف کا علاقہ خالصتان کے نعروں سے گونج اٹھا، گزشتہ ہفتے ہائی کمیشن پرخالصتان کا جھنڈا لہرانے کی وجہ سے پولیس کی بھاری نفری موجود تھی۔

ہائی کمیشن کی عمارت کی بالکونی پر لگے بھارتی پرچم کی حفاظت کیلئے خاردار تاریں لگائی گئی تھیں، شرکاء کی جانب سے بھارت کے خلاف مسلسل نعرے لگائے جاتے رہے۔

مظاہرے کے شرکاء سے سکھ رہنماؤں نے خطاب کرتے ہوئے کہا کہ سکھ بھارت سے اپنا بنیادی حق آزادی مانگ رہے ہیں، بھارت طاقت کے زورپر خالصتان کی تحریک کو نہیں دباسکتا، ریفرنڈم کے ذریعے ہم نے جمہوری طریقے سے بتادیا ہے کہ ہم بھارت سے آزادی چاہتے ہیں۔