کورونا  کیسز میں کمی۔۔مزید 3 اموات

(24نیوز)پاکستان میں کورونا وائرس کے کیسز کے بعد اب اموات میں بھی کمی آنے لگی ہے،دنیا بھر میں مریضوں کے حوالے سے مرتب کی گئی فہرست میں 33 ویں نمبر پر ہے۔

نیشنل کمانڈ اینڈ آپریشن سینٹر کا کہنا ہے کہ  پاکستان میں گزشتہ 24 گھنٹوں کے دوران کورونا وائرس کے مزید 322 کیسز سامنے آئے ہیں، مزید 3 افراد اس موذی وباء کے سامنے زندگی کی بازی ہار گئے، اس کے مزید 236 مریض شفایاب ہو گئے، جبکہ مثبت کیسز کی شرح 0 اعشاریہ 86 فیصد پر آ گئی۔ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 22 ہزار 562 مریض زیرِ علاج ہیں، جن میں سے 1 ہزار 43 مریضوں کی حالت تشویش ناک ہے، جبکہ 12 لاکھ 30 ہزار 970 مریض اب تک اس بیماری سے شفایاب ہو چکے ہیں۔

گزشتہ 24 گھنٹوں میں ملک میں کورونا وائرس کے مزید 37 ہزار 148 ٹیسٹ کیئے گئے، جبکہ اب تک کُل 2 کروڑ 16 لاکھ 82 ہزار 105 کورونا ٹیسٹ کیئے جا چکے ہیں۔

سندھ میں مریضوں کی تعداد دیگر صوبوں سے زیادہ 4 لاکھ 74 ہزار 243 ہو چکی ہے، جبکہ اس سے کُل اموات 7 ہزار 611 ہو گئیں۔پنجاب میں  اب تک 4 لاکھ 42 ہزار 479 مریض پورٹ ہوئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 12 ہزار 999 ہو چکی ہیں۔خیبر پختون خوا میں مریضوں کی تعداد 1 لاکھ 79 ہزار 604 ہو چکی ہے، جبکہ اس سے یہاں کُل اموات 5 ہزار 816 ہو گئیں۔وفاقی دارالحکومت اسلام آباد میں 1 لاکھ 7 ہزار 483 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کُل 952 افراد اس وباء سے جان کی بازی ہار چکے ہیں۔آزاد جموں و کشمیر میں اب تک 34 ہزار 536 مریض رپورٹ ہوئے ہیں، جبکہ اس کے باعث اب تک یہاں کُل 741 مریض وفات پا چکے ہیں۔ بلوچستان میں 33 ہزار 444 مریض اب تک رپورٹ ہوئے ہیں جہاں 358 افراد اس مرض سے انتقال کر چکے ہیں۔گِلگت بلتستان میں 10 ہزار 406 کورونا وائرس کے مریض سامنے آئے ہیں جبکہ اس سے اب تک 186 افراد جاں بحق ہوئے ہیں۔

یہ بھی پڑھیں:ملک بھر میں کورونا کی شدت کم۔۔4 افراد جاں بحق