برطانیہ: سیوریج کے پانی میں پولیو وائرس کی موجودگی کا انکشاف

Jun 22, 2022 | 21:18:PM
انگلینڈ، پولیو، وائرس، موجودگی، انکشاف
کیپشن: برطانیہ میں پولیو وائرس کی موجودگی کا انکشاف ہوا ہے۔
Stay tunned with 24 News HD Android App
Get it on Google Play

(ویب ڈیسک) برطانیہ میں برسوں بعد پولیو وائرس کی موجودگی کا انکشاف ہوا ہے۔ یوکے ہیلتھ سیکیورٹی ایجنسی (یو کے ایس ایچ اے) نے بتایا کہ فروری میں نکاسی آب کی معمول کی نگرانی کے دوران مشرقی اور شمالی لندن میں ویکسین میں پائے جانے والے کمزور مگر زندہ پولیو وائرس کو دریافت کیا گیا تھا اور اس کے بعد سے جمع کیے جانے والے نمونوں میں یہ وائرس موجود پایا گیا ہے۔

اب تک برطانیہ میں پولیو کا کوئی کیس سامنے نہیں آیا اور عام افراد میں اس کا خطرہ کم ہے مگر حکام نے عوام پر زور دیا ہے کہ وہ کسی نقصان سے بچنے کے لیے ویکسینیشن کرالیں۔

یہ بھی پڑھیں: عامر لیاقت کے پوسٹ مارٹم سے متعلق سندھ ہائیکورٹ نے تحریری فیصلہ جاری کردیا

حکام کا ماننا ہے کہ وائرس کا پھیلاؤ کسی ایسے فرد سے شروع ہوگا جو کسی ایسے ملک سے برطانیہ واپس آیا ہوگا جہاں اسے منہ کے ذریعے دی جانے والی پولیو ویکسین استعمال کرائی گئی ہوگی۔ یہ ابھی واضح نہیں کہ یہ وائرس برطانیہ میں کس حد تک پھیل چکا ہے۔

یاد رہے کہ برطانیہ کو 2003 میں پولیو فری قرار دیا گیا تھا جبکہ وہاں آخری کیس 1984 میں رپورٹ ہوا تھا۔ پولیو وائرس ہاتھوں کی ناقص صفائی، پانی اور غذائی آلودگی سے پھیلتا ہے مگر کبھی کبھار کھانسی اور چھینکوں سے بھی ایک سے دوسرے میں منتقل ہوجاتا ہے۔