ملائیکا اڑورہ بیٹےکی جانب سے بھی ٹرول کاشکار

(ویب ڈیسک )اپنی فٹنس اور لباس کے انتخاب سے مشہور بالی ووڈ اداکارہ و ماڈل ملائیکا اروڑا کو ان کے جواں سال بیٹے ارہان خان نے بھی ٹرول کردیا۔ ملائیکا اروڑا کےشو ’موونگ ود ملائیکا‘ میں ان کے بیٹے ارہان خان بطور مہمان شریک ہوئے۔ اس قسط میں ملائیکا نے سفید اور کالی لائنوں والے لباس کا انتخاب کیا جیسا اکثر ممالک میں جیل میں موجود قیدیوں کو پہنایا جاتا ہے۔ 

تفصیلات کے مطابق ارہان نے والدہ کو ٹرول کرتے ہوئے کہا کہ ایسا لگ رہا ہے کہ جیسا کہ آپ ایک قیدی ہوں۔ ملائیکا کا افقی لائنوں کے ڈیزائن کا لباس ٹیبل پر موجود رومال سے بھی مشابہ تھا۔ اس قسط کے دوران کھانے کی ٹیبل پر ملائیکا کی والدہ اور بیٹا بیٹھے گفتگو کر رہے ہیں جہاں ملائیکا اپنی والدہ سے کہتی ہیں کہ ’ارہان مجھے کہہ رہے ہیں کہ میں نے ایسا (رومال جیسا) لباس کیوں پہنا ہوا ہے‘، جس کے بعد تینوں ہنسنے پر مجبور ہوجاتے ہیں۔

View this post on Instagram

A post shared by Disney+ Hotstar (@disneyplushotstar)

اسی دوران ارہان کہتے ہیں کہ ’آپ کو جانتے ہوئے یہ کہہ سکتے ہیں کہ یہ سب کچھ (لباس اور رومال ایک جیسے ہونا) کیا گیا ہوگا۔‘اس پر ملائیکا اروڑا کہتی ہیں ’نہیں یہ سب کچھ جان بوجھ کر نہیں کیا گیا، یہ سب اتفاقیہ ہوا ہے۔ میں خود ایسا کیوں کروں گی؟‘اس کے بعد ارہان اپنی والدہ سے کہتے ہیں کہ ’آپ اس وقت بالکل ایک قیدی کی طرح لگ رہی ہیں۔‘

واضح رہے کہ ملائیکہ اروڑا اور اداکار ارجن کپور کے درمیان گزشتہ کئی سالوں سے قریبی تعلقات ہیں لیکن اب لگ رہا ہے کہ دونوں جلد ہی شادی کے بندھن میں بندھ جائیں گے۔

اس سے قبل ملائیکہ اروڑا اداکار و پروڈیوسر ارباز خان سے رشتۂ ازدواج میں منسلک تھیں۔شادی کے 19 سال بعد 2017ء میں ان کی طلاق ہوگئی تھی، ان دونوں کا ایک بیٹا ارہان ہے جو اس وقت اعلیٰ تعلیم کے حصول کے لیے ملک سے باہر ہے۔