بلوچستان: کان کنوں پر نا معلوم افراد کی فائرنگ۔ 3 جاں بحق
Stay tuned with 24 News HD Android App
(مانیٹرنگ ڈیسک)بلوچستان کے ضلع ہرنائی کے علاقے شاہرگ ذالاوان میں کان میں کام کرنےوالے مزدورں پر فائرنگ کی گئی، جس کے نتیجے میں تین افراد جاں بحق ہوگئے ہیں۔
تفصیلات کے مطابق صوبہ بلوچستان کے ضلع ہرنائی میں کوئلے کی کان میں کام کرنے والے مزدوروں پراس وقت قیامت ٹوٹ پڑی جب کان میں کام کرنے والے مزدوروں پر فائرنگ کر دی گئی،واقعے کے بعد لیویز اہلکاروں نے علاقے کو گھیرے میں لیتے ہوئے ملزمان کی تلاش شروع کردی ہے جبکہ لاشوں کو ضروری کارروائی کیلئے ہسپتال منتقل کردیا۔
یہ بھی پڑھیں: پارا چنار :دو قبائل میں تنازع، فائرنگ سے 8 افراد جاں بحق
ڈپٹی کمشنر ہرنائی نے واقعے کی تصدیق کرتے ہوئے کہا کہ تینوں مزدور کوئلے کی کان میں کام کرتےتھے، فوری طور پر جاں بحق افراد کی شناخت نہیں ہوسکی ہے۔صوبائی وزیرخزانہ نےشاہرگ میں مزدوروں کو قتل کرنےکی مذمت کی ہے، اپنے بیان میں حاجی نور محمد دمڑ نے کہا کہ مزدوروں کو قتل کرنے کے واقعہ پرانتہائی دکھ اور افسوس ہے،صوبائی وزیر خزانہ حاجی نور محمد خان کا کہنا تھا کہ دہشتگردوں کو انکےانجام تک پہنچائیں گے۔
واضح رہے کہ بلوچستان میں اکثر و بیشتر کانوں میں کام کرنے والے مزدوروں پر حملے کے واقعات منظر عام پر آتے رہتے ہیں۔
رواں سال کے آغاز میں بلوچستان کے ہی علاقے مچھ میں 10 کان کنوں کو ذبح کرکے قتل کردیا گیا ہے، حملے کی ذمہ داری کالعدم داعش نے قبل کی تھی۔ جاں بحق ہونے والے کان کنوں کو تعلق ہزارہ برادری سے تھا۔
یہ بھی پڑھیں:نامعلوم افراد کی فائرنگ سے پولیس اہلکار شہید Nov 04, 2021 | 09:31:AM