وفاقی وزیر داخلہ محسن نقوی سے مفتی منیب الرحمن کی ملاقات، مسائل حل کرنے کی یقین دہانی

(24نیوز)وفاقی وزیر داخلہ محسن نقوی اور وزیر مملکت طلال چوہدری سے مفتی اعظم پاکستان مفتی منیب الرحمن کی سربراہی میں وفد نے ملاقات کی۔

وزیرداخلہ محسن نقوی نے ملک میں قیام امن اور استحکام کے لیے مفتی منیب اور دیگر علمائے کرام کی خدمات کو خراج تحسین پیش کیا، وزیرداخلہ محسن نقوی نے وفد کو ان کے مسائل حل کرنے کی یقین دہانی   کرائی۔

ملاقات میں اتفاق کیا گیا کہ مسائل کے حل کا جائزہ لیا جائے گا اور  حل کے لئے اقدامات کئے جائیں گے۔

وزیر مملکت داخلہ طلال چوہدری کی سربراہی میں  کمیٹی تشکیل دی گئی، مفتی  منیب الرحمن اور دیگر علما گرام بھی اس کمیٹی کا حصہ ہوں گے، کمیٹی مسائل کے حل کیلئے  قابل عمل حل کیلئے سفارشات پیش کرے گی۔

محسن نقوی  نے کہا کہ مفتی منیب الرحمن سب کے لئے قابل احترام ہیں اور ہمیشہ  اتحاد، اتفاق اور یکجہتی کی بات کرتے ہیں، مفتی منیب الرحمن  سب کو متحد رکھنے کا کردار ادا کرتے ہیں، ہم سب ایک ہیں اور پاکستان سب سے پہلے ہے۔

یہ بھی پڑھیں:سابق وفاقی وزیر داخلہ راجہ نادر پرویز انتقال کرگئے

‎ طلال چوہدری  نے کہا کہ علمائے کرام کی  پاکستان کے لئے خدمات قابل ستائش ہیں، مفتی منیب الرحمن نے ملک کی سالمیت۔ ترقی۔ استحکام اور خوشحالی کے لیے دعا کی۔

وفد میں علامہ لیاقت حسین اظہری، مفتی عابد مبارک المدنی اور ملک محمد ابراہیم شامل تھے، وفاقی سیکرٹری داخلہ محمد خرم آغا، آئی جی اسلام آباد علی ناصر رضوی اور دیگر حکام بھی اس موقع پر موجود تھے۔
‎