ایرانی عدلیہ نے 8 خواتین کو پھانسی کی سزا دیے جانے کی تردید کر دی

(24 ںیوز )ایرانی عدلیہ نے  8 خواتین کو پھانسی کی سزا دیے جانے کی تردید کی ہے۔ پیرس سے فرانسیسی خبر ایجنسی کے مطابق ایرانی عدلیہ نے اس حوالے سے کہا کہ امریکی صدر کو ایک بار پھر جعلی خبروں سے گمراہ کیا گیا۔ 

ایرانی عدلیہ نے کہا کہ جن خواتین کی پھانسی کی بات کی گئی، ان میں سے کچھ رہا ہوگئی ہیں، جبکہ دیگر خواتین پر جو الزامات ہیں ان میں سزا سنائی بھی گئی تو قید کی ہوگی۔ 

ٹرمپ نے ایرانی قیادت سے درخواست کی تھی کہ مذاکرات سے پہلے ان خواتین کو رہا کیا جائے۔