جاپان :دو فوجی ہیلی کاپٹر سمندر میں گر کر تباہ،ایک شخص ہلاک ،7 لاپتہ

(24نیوز) جاپان میں دو فوجی ہیلی کاپٹر سمندر میں گر کر تباہ ہوگئے۔ حادثے میں ایک شخص ہلاک جبکہ 7 اہلکار لاپتہ ہوگئے۔

جاپانی وزارت دفاع منورو کیہاراکا کہنا ہے کہ فلائٹ ڈیٹا کے مطابق دونوں ہیلی کاپٹر آخری بار ایک دوسرے کے قریب پرواز کر رہے تھے۔ ممکنہ طور پر فضا میں ٹکراؤ کے باعث ہیلی کاپٹر سمندر میں گر گئے ہوں گے۔ ہیلی کاپٹروں کے ملبے اور لاپتہ افراد کی تلاش جاری ہے۔

جاپانی وزیر دفاع کا مزید کہنا  ہے کہ امدادی کارکنوں نے سمندر میں طیارے کا حصہ دیکھا اور ہمیں یقین ہے کہ دونوں ہیلی کاپٹر گر کر تباہ ہو ئے ہیں۔ ان کا کہنا تھا کہ اس وقت حادثے کی وجہ معلوم نہیں ہوسکی ہے لیکن ہم سب سے پہلے جانیں بچانے کی پوری کوشش کریں گے۔