بنگلہ دیش عبوری حکومت کے مشیر داخلہ کو مستعفی ہونے کیلئے 24 گھنٹے کا الٹی میٹم

(سلیم رضا)ڈھاکہ کے انقلاب منچ نے بنگلہ دیش کی عبوری حکومت کے امور داخلہ کے مشیر کو مستعفی ہونے کے لیے 24 گھنٹے کا الٹی میٹم جاری کر دیا۔
 بنگلہ دیش  میں 24 نیوز کے نامہ نگار نے بتایا کہ انقلاب منچ نے شریف عثمان ہادی کی موت میں ناکامی کی ذمہ داری قبول کرتے ہوئے عبوری حکومت کے امور داخلہ کے مشیر کو مستعفی ہونے کے لیے 24 گھنٹے کا وقت دیا ہے۔ ڈھاکہ انقلاب منچ کے رہنماؤں نے یہ اعلان ہفتہ کی سہ پہر دارالحکومت ڈھاکہ کے شاہ باغ میں ہادی کی تدفین کے بعد جمع ہونے کے بعد کیا۔ ساتھ ہی انہوں نے ہادی کے قتل کی منصفانہ تحقیقات اور مجرموں کی فوری گرفتاری کا مطالبہ کیا ہے اور طلباء اور عوام کی شرکت سے مزید سخت پروگراموں کی تنبیہ کی ہے۔

ریلی کے مقررین نے کہا کہ شریف عثمان ہادی کی موت کوئی الگ تھلگ واقعہ نہیں ہے۔ یہ بنگلہ دیش میں امن و امان کی صورتحال کی خوفناک ناکامی کا مظہر ہے۔ بنگلہ دیش کی عبوری حکومت کے امور داخلہ کے مشیر لیفٹیننٹ جنرل (ر) محمد جہانگیر عالم چودھری کو آئندہ 24 گھنٹوں کے اندر مستعفی ہو جانا چاہیے۔ بصورت دیگر وہ طلبہ اور عوام کے ساتھ مل کر مزید سخت پروگرام کے لیے جائیں گے۔ قبل ازیں شریف عثمان ہادی کو ڈھاکہ یونیورسٹی کی مرکزی جامع مسجد سے ملحقہ قومی شاعر قاضی نذر الاسلام کی قبر کے پاس دوپہر ساڑھے تین بجے سپرد خاک کیا گیا۔

یہ بھی پڑھیں:نیا وائرس انفلوائزہ ایچ تھری این ٹو ، روزانہ درجنوں کیس رپورٹ ہونے لگے