لیونل میسی کی بیٹے کے میچ میں شرکت, ویڈیو سوشل میڈیا پر وائرل

(ویب ڈیسک) لیونل میسی کی انٹر میامی اکیڈمی میں بیٹے کے میچ میں شرکت کی ویڈیو کے سوشل میڈیا پر خوب چرچے ہو رہے ہیں۔

عالمی شہرت یافتہ فٹبالر لیونل میسی کو انٹر میامی چلڈرن فٹبال اکیڈمی میں اپنے بیٹے کے میچ سےلطف اندوز ہوتے دیکھا گیا۔ سوشل میڈیا پر لیونل میسی کی انٹر میامی چلڈرن فٹبال اکیڈمی سے ایک ویڈیو وائرل ہوگئی،اس ویڈیو میں انہیں اپنے 2 بیٹوں میٹیو اور چیرو کے ساتھ بیٹے تھیاگو کا میچ دیکھتے ہوئے دیکھا جاسکتا ہے۔

یہ بھی پڑھیں: اروشی روٹیلا کے بعد ایک اور بھارتی اداکارہ نسیم شاہ کے سحر میں مبتلا

لیونل میسی ویڈیو میں میچ کے دوران اپنے بیٹے کو ہدایات دیتے بھی نظر آئے جبکہ اپنے پاس سے گزرنے والے دیگر نوعمر فٹبالرز کے ساتھ خوشگوار موڈ میں ہائے ہیلو بھی کرتے رہے۔

Leo Messi with Mateo and Ciro at the Inter Miami Academy watching Thiago's match

pic.twitter.com/J2if7L7j2t

— Leo Messi ???? Fan Club (@WeAreMessi) September 16, 2023

واضح رہے کہ لیونل میسی کے بیٹے تھیاگو میسی نے صرف تین ہفتے قبل ہی انٹر میامی کی U12 اکیڈمی میں شمولیت اختیار کر کے اپنے فٹبال کے سفر کا آغاز کیا ہے، تھیاگو نے دیگر مشہور فٹبالرز کے بچوں کے نقش قدم پر چلتے ہوئے اس مشہور اکیڈمی سے فٹبال کھیلنا شروع کیا ہے۔