نوا ز شریف کا جا وید ہا شمی سے متعلق ٹو یٹر پر اہم اعلا ن 

(24 نیوز)مائیکرو بلاگنگ ویب سائٹ ٹوئٹرپر نوا ز شریف کا کہنا تھا کہ جاوید ہاشمی اور ان کے خاندان کو کل سے نشانِ عبرت بنانے کی کوشش کی جا رہی ہے،جو بد ترین فسطائیت ہے۔ 
تفصیلات کے مطا بق نواز شریف نے کہا کہ جاوید ہاشمی کے گھرکا تقدس پامال کرنا ریاستی جبر کی ایک شرمناک مثال ہے۔ان کا مزید کہنا تھا کہ جاوید ہاشمی کو وقت کے فرعونوں نے اپنی رعونت سے کئی بار آزمایا مگر ہمیشہ ناکامی انکا مقدررہا۔

جاوید ہاشمی صاحب اور ان کے خاندان کو کل سے نشانِ عبرت بنانے کی کوشش کی جا رہی ہے،جو بد ترین فسطائیت ہے۔جاوید ہاشمی کے گھرکا تقدس پامال کرنا ریاستی جبر کی ایک شرمناک مثال ہے۔اُنہیں وقت کے فرعونوں نے اپنی رعونت سے کئی بار آزمایا مگر ہمیشہ ناکامی انکا مقدر رہی۔#کس_کس_کا_گھر_گراؤ_گے؟

— Nawaz Sharif (@NawazSharifMNS) May 18, 2021

واضح رہے کہ گزشتہ روز محکمہ اوقاف نے آپریشن کرکے مسلم لیگ ن کے رہنما جاوید ہاشمی کے شادی ہال کی دیواریں گرادیں، شامیانے اور ڈیکوریشن کا دیگر سامان، کراکری بھی قبضے میں لے لیے تھے۔سینئر سیاستدان جاوید ہاشمی کے آبائی گاوں مخدوم رشید میں ضلعی انتظامیہ اور محکمہ اوقاف نے تجاوزات کے خلاف آپریشن کرتے ہوئے جاوید ہاشمی کے داماد زاہد بہار ہاشمی کاشادی ہال گرادیا اور اس کا تمام سامان بھی قبضہ میں لے لیاتھا۔

یہ بھی پڑھیں:تعلیمی ادا رے کھلیں گے یا بند ۔۔این سی او سی نے اہم فیصلہ کرلیا