میانمار: فائرنگ کے واقعے میں 3 بدھ مت سمیت 22 افراد ہلاک

(ویب ڈیسک) وسطی میانمار میں نامعلوم افراد نے 3 بدھ مت سمیت 22 افراد کو قریب سے گولی مار کر ہلاک کردیا۔ 

غیرملکی خبررساں ادارے رائٹرز کے مطابق میانمار کی فوجی جنتا کے ترجمان نے بتایا کہ اس کے فوجی جنوبی شان ریاست کے علاقے پنلاونگ میں باغی جنگجوؤں کے ساتھ جھڑپوں میں ملوث رہے ہیں لیکن انھوں نے کسی شہری کو نقصان نہیں پہنچایا۔

جنتا کے ترجمان زو من تون نے ایک بیان میں کہا کہ کے این ڈی ایف اور ایک اور باغی گروپ نان نینٹ کے گاؤں میں داخل ہوئے جب حکومتی فورسز مقامی لوگوں کی ملیشیا کے ساتھ سیکیورٹی فراہم کرنے کیلئے موجود تھی۔

At least 22 people, including three Buddhist monks, were shot dead at close range in central Myanmar last week, according to a doctor's post-mortem report, in what opponents of military rule say was a massacre of civilians conducted by the army https://t.co/ymxoDnS2Du

— Reuters (@Reuters) March 17, 2023

   انہوں نے کہا کہ جب دہشتگرد گروپوں نے فائرنگ کی تو کچھ دیہاتی ہلاک اور متعدد زخمی ہوگئے تاہم انہوں نے مزید تبصرے کیلئے رائٹرز کی متعدد کالوں کا جواب نہیں دیا جبکہ رائٹرز آزادانہ طور پر کسی بھی دعوے کی تصدیق نہیں کرسکا۔