فارن فنڈنگ کیس: مریم نواز کا الیکشن کمیشن سے بڑا مطالبہ 

(24نیوز) سماجی رابطوں کی ویب سائٹ ٹوئٹر پر پاکستان مسلم لیگ ن کی نائب صدر مریم نواز نے ٹوئٹ کی ہے۔ جس میں انہوں نے تحریک انصاف کو تنقید کا نشانہ بناتے ہوئے کہا ہے کہ اپنی ہی 20 سیٹوں میں سے 5 پر ہارنے کے بعد زیادہ زعم میں آنے کی ضرورت نہیں۔

اپنی ہی 20 سیٹوں پر 5 ہار جانے پر زیادہ زعم میں آنے کی ضرورت نہیں۔ ECP پر آپ کا اٹیک وہ دھاندلی نہیں جو ہوئی ہی نہیں،بلکہ فارن فنڈنگ فیصلے کا خوف ہے۔آپ کو معلوم ہے کہ اس میں آپ کے خلاف ناقابلِ تردید شواہد سامنے آ چکے ہیں جن کا منظرِ عام ہر لایا جانا ناگزیر ہے۔ ECP جلد فیصلہ سنائے

— Maryam Nawaz Sharif (@MaryamNSharif) July 18, 2022

انہوں نے کہا کہ الیکشن کمیشن آف پاکستان پر آپ کا حملہ وہ دھاندلی نہیں ہے جو کہ ہوئی ہی نہیں بلکہ فارن فنڈنگ فیصلے کا خوف ہے۔ انہوں نے کہا کہ آپ جانتے ہیں کہ آپ کے خلاف ناقابل تردید شواہد سامنے آچکے ہیں۔ جن کو اب منظر عام پر لایا جانا ناگزیر ہوچکا ہے۔

انہوں نے الیکشن کمیشن سے مطالبہ کیا کہ فارن فنڈنگ کیس کا فیصلہ جلد سنایا جائے۔