بھارتی اداکارہ روبینہ دلیک کا دلکش انداز۔۔سوشل میڈیا پر دھوم

(ویب ڈیسک)بھارت کے معروف رئیلیٹی شو’’ بگ باس‘‘ کے سیزن 14 کی فاتح و اداکارہ روبینہ دلیک  سوشل میڈیا پر بھی چھا گئیں۔اداکارہ کےدلکش انداز نے مداحوں کو حیران کردیا۔

انسٹاگرام پر اداکارہ روبینہ دلیک کو 50 لاکھ صارفین نے فالو کرلیا  جس کے بعد وہ بھی بھارت کی مقبول ترین اداکاراؤں کی فہرست میں شامل ہوگئیں۔اس ضمن میں روبینہ دلیک نے اپنے5ملین فالوورز کے لئے انسٹاگرام پر خصوصی پوسٹ شیئر کی ہےجس میں وہ بےحد خوش نظر آرہی ہیں۔

View this post on Instagram

A post shared by Rubina Dilaik (@rubinadilaik)

بھارتی اداکارہ نے اپنی پوسٹ پر لکھا کہ ’مجھے بہترین سے نوازا گیا ہے۔‘اُنہوں نے خوشی کا اظہار کرتے ہوئے لکھا کہ ’اب ہماری فیملی 5 ملین ہوگئی ہے۔‘روبینہ دلیک کی اس کامیابی پر بھارتی فنکاروں سمیت صارفین کی بڑی تعداد اُنہیں مبارکباد دے رہی ہے۔بھارتی اداکارہ نےمزید کہا کہ ’پاکستانی مداحوں نے مجھے جس قدر محبت دی، میں اُسے حاصل کرکے بہت زیادہ خوشی محسوس کررہی ہوں۔‘

 واضح رہے کہ بگ باس 14 کے فائنل میں پانچ کنٹسٹنٹ پہنچے تھے جن میں روبینہ دلیک، راہول ویدیا، علی گونے، نیکی تمبولی اور راکھی ساونت شامل تھیں۔آخر میں یہ مقابلہ روبینہ دلیک اور راہول ویدیا کے درمیان چلا اور پھر بالی ووڈ اداکار اور اس شو کے میزبان سلمان خان نے روبینہ دلیک کو زیادہ ووٹس ملنے کی بنا پر بگ باس کے سیزن 14 کی فاتح قرار دیا۔

  خیال رہے کہ روبینہ دلیک بھارتی ڈرامہ انڈسٹری کی مقبول ترین اداکارہ بھی ہیں، اس کے علاوہ انہوں نے 2006ء میں مِس شملا کا خطاب جیتا تھا اور اس کے 2 سال بعد 2008ء میں اُنہوں نے مِس شمالی ہندوستان کا خطاب بھی اپنے نام کیا تھا۔

دوسری جانب  بھارتی اداکارہ  روبینہ دلیک نے کہا کہ ’میں الفاظ میں بیان نہیں کرسکتی ہوں کہ میں کس قدر خوش ہوں۔‘

 یہ بھی پڑھیں: ایک اوربھارتی اداکار چل بسے۔۔۔