پیپلز پارٹی کی جیت ،عوام نے نفرت کی سیاست مسترد کردی:بلاول بھٹو

 (ویب ڈیسک)پیپلزپارٹی کے چیئرمین بلاول بھٹو زرداری نے کہا ہے کہ کراچی اور حیدرآباد کے عوام نے نفرت کی سیاست کو مسترد کردیا،بلاول بھٹو نے کہا کہ عوام کے زبردست اعتماد پر شکرگزار ہوں، پیپلز پارٹی نے ایک بار پھر اپنی عوامی مقبولیت ثابت کردی۔

کراچی اور حیدرآباد کے بلدیاتی الیکشن کے نتائج سامنے آنے کے بعد بلاول بھٹو نے سوشل میڈیا پر اپنے بیان میں کہا کہ کراچی اور حیدرآباد کے عوام نے کارکردگی کو ووٹ دیا ہے،انہوں نے کہا کہ منتخب جیالے نمائندے عوامی مسائل کے حل میں بہترین کردار ادا کریں۔

کراچی اور حیدرآباد کے عوام نے نفرت کی سیاست کو مسترد کرکے کارکردگی کو ووٹ دیا ہے، عوام کے زبردست اعتماد پر شکرگزار ہوں، پاکستان پیپلزپارٹی نے ایک بار پھر اپنی عوامی مقبولیت ثابت کردی، منتخب جیالے نمائندوں کو کہتا ہوں کہ وہ عوامی مسائل کے حل میں اپنا بہترین کردار ادا کریں۔ pic.twitter.com/YQOLldPOyw

— BilawalBhuttoZardari (@BBhuttoZardari) January 17, 2023

یادرہے کہ اتوار کو ہونے والے بلدیاتی الیکشن کے نتائج کے مطابق حیدرآباد اور کراچی میں پیپلزپارٹی نے پہلی پوزیشن حاصل کی جبکہ جماعت اسلامی دوسرے نمبر پر رہی ہے۔