مبینہ کرپشن کیس :سابق خاتون اول بشریٰ بی بی کےلیے اہم خبر

Jul 14, 2022 | 14:21:PM
فائل فوٹو
کیپشن: مبینہ کرپشن کیس :سابق خاتون اول بشریٰ بی بی کےلیے اہم خبر
سورس: Google
Stay tunned with 24 News HD Android App
Get it on Google Play

 (ویب ڈیسک )اینٹی کرپشن ساہیوال نے سابق خاتون اول بشریٰ بی بی کے بھائی کی مبینہ کرپشن کیس میں حفاظتی ضمانت منظور کرلی۔

تفصیلات کے مطابق ڈیوٹی جج اینٹی کرپشن ساہیوال نے احمدمجتبیٰ مانیکا کی حفاظتی ضمانت 23 جولائی تک منظور کرتے ہوئے 23 جولائی کو اینٹی کرپشن سرکل اوکاڑہ کو مقدمے کا ریکارڈ پیش کرنے کا حکم دے دیا۔اینٹی کرپشن اوکاڑہ سرکل نے13 جون کو پلاٹ جعل سازی سے کرایہ پر لینے پر مقدمہ درج کیا ، مقدمہ چیئرمین مارکیٹ کمیٹی دیپالپور، سیکرٹری مارکیٹ کمیٹی سمیت 6 افراد کے خلاف درج کیا گیا۔

احمد مجتبیٰ مانیکا کو نامزد ملزمان کے بیان کے بعد شامل تفتیش کیا گیا تھا۔گذشتہ روز سابق خاتون اول بشری بی بی کے بھائی احمد مجتبی وٹو نے اپنے وکلاء انتظار حسین پنجوتھہ اور نعیم حیدر پنجوتھہ ایڈووکیٹس کے توسط سےعبوری ضمانت کے لیے اینٹی کرپشن کورٹ ساہیوال رجوع کیا تھا۔

ضمانت ڈیوٹی جج سیشن جج جاوید الاسلام چشتی نے پچاس ہزار مچلکوں کو عوض 23 جولائی تک منظور کی ، مقدمے میں احمد مجتبی کو مدعی نے نامزد نہ کیا تھا اور نہ کسی انکوائری میں ان کو پہلے بلایا گیا تھا تاہم حکومت تبدیلی کے بعد مقدمے کا رخ تبدیل کیا گیا ہے۔