امریکا سے ماضی جیسے تعلقات کی امید لگانا حقیقت پسندی نہیں، پاکستانی سفیر

 (مانیٹرنگ ڈیسک)امریکا میں پاکستان کے سفیر ڈاکٹر اسد مجید نے کہا ہے کہ امریکا سے ماضی جیسے تعلقات کی امید لگانا حقیقت پسندی نہیں۔

 تفصیلات کے مطابق پاکستانی سفیر ڈاکٹر اسد نے کہا کہ اب شاید ہمارے امریکا سے تعلقات ویسے نہ ہو سکیں جیسے کسی زمانے میں تھےانہوں نے کہا کہ چین سے ہمارے دیرینہ، گہرے اور مضبوط تعلقات ہیں جبکہ امریکا ہمارا اہم پارٹنر ہے۔

پاکستانی سفیر کا کہنا تھا کہ ہماری کوشش ہوگی کہ امریکا اور چین سے تعلقات جس حد تک متوازی چلاسکیں ان کو چلائیں۔