انڈسٹری میں کام ملنا قسمت ہے، غنیٰ علی کا انکشاف

(ویب ڈیسک) پاکستانی معروف اداکارہ غنیٰ علی نے انکشاف کیا ہے کہ ڈرامہ انڈسٹری میں کام ملنا اس بات پر منحصر ہوتا ہے کہ آپ کس لابی کے فنکار ہیں۔

اداکارہ غنیٰ علی نے حال ہی میں ایک انٹرویو میں شوبز انڈسٹری میں کام ملنے یا نہ ملنے سے متعلق پوچھے گئے سوال پر جواب دیا ہے۔

اداکارہ کا کہنا تھا کہ کام ملنا سب سے پہلے آپ کی قسمت پر منحصر ہوتا ہے جبکہ دوسرا یہ کہ آپ کس لابی سے منسلک ہیں، انہوں نے نجی ٹی وی چینلز کے نام لیتے ہوئے مزید کہا کہ کچھ چینلز پر کچھ فنکاروں کے ہی چہرے نظر آتے ہیں۔

View this post on Instagram

A post shared by Galaxy Lollywood (@galaxylollywood)

اداکارہ غنیٰ علی نے کہا کہ اُن کے خیال میں قسمت بھی بہت بڑا کردار ادا کرتی ہے، مثال کے طور پر وہاج علی اور عمران اشرف کو دیکھ لیں، وہ آئے انڈسٹری میں محنت کی اور آج وہ کس مقام پر ہیں۔

مزید پڑھیں:  شادی شدہ شخص سے شادی،اداکارہ غنی علی نے خاموشی توڑ دی

غنیٰ علی کا مزید کہنا تھا کہ جب آپ ٹھان لیں کہ کچھ کر کے دکھانا ہے اور پھر اللّٰہ آپ کو چن لیں کہ اُس ذات نے آپ کو نوازنا ہے تو پھر آپ سے کوئی شہرت چھین نہیں سکتا۔