وزیر داخلہ محسن نقوی کا خودکش حملہ  ناکام بناتے جام شہادت نوش کرنے والے شہری لیاقت کو  سلام عقیدت 

(اویس کیانی) وفاقی وزیر داخلہ محسن نقوی نے پنجاب اور خیبر پختونخوا کی سرحد پر خوشحال گڑھ چیک پوسٹ کے قریب خودکش حملہ  ناکام بناتے ہوئے جام شہادت نوش کرنے والے شہری لیاقت کو  سلام عقیدت  پیش کیا ہے۔

وزیر داخلہ نے اپنے بیان میں کہا ہے کہ  ریلوے کے ریٹائرڈ ملازم لیاقت  نے  شجاعت کی اعلی مثال قائم کی۔ شہری لیاقت نے جان دے کر خوارجیوں کے مذموم عزائم کو خاک میں ملایا۔ شہری لیاقت نے خود قربانی دے کر کئی زندگیوں کو بچایا۔ 

محسن نقوی کاکہناتھا کہ شہید شہری لیاقت قوم کا ہیرو ہے ۔ شہری لیاقت کی قربانی کو قوم ہمیشہ یاد رکھے گی۔  شہید لیاقت جیسے بہادر شہری پاکستان کی شان ہیں۔