افغان کرکٹر راشد خان کا گھر ہے یا  محل۔۔لوگ حیران۔۔ تصویر وائرل 

(24 نیوز) افغانستان کے معروف کرکٹر راشد خان نے انسٹاگرام پر اپنے گھر کی تصویر شیئر کی ، جو کافی تیزی سے وائرل ہورہی ہے ۔  اس کی وجہ ان کا خوبصورت اور عالیشان گھر ہے ، جس کو دیکھ کر کئی لوگوں نے ان سے پوچھا بھی ہے کہ کیا یہ کوئی محل ہے یا ہوٹل ہے ۔

میڈیا رپورٹس کے مطابق بھارت میں کھیلے جانیوالے آئی پی ایل 2021 کے ملتوی ہونے کے بعد  افغان کرکٹر  راشد خان اپنے گھر واپس پہنچ گئے ہیں ۔ راشد خان نے اسی درمیان اپنے گھر کی تصویر بھی پوسٹ کی ، جس کو دیکھ کر کئی لوگ حیران ہیں ۔راشد خان نے تصویر  کے کپشن میں لکھا  ہےکہ’’ جمعہ مبارک ، گھر پر رہئے ، محفوظ رہئے ، ماسک ضرور پہنیں ۔ راشد خان کی اس تصویر  پر ویسٹ انڈیز کے لیجنڈ کرکٹر ڈیرن براوؤاور انگلینڈ کی خاتون کرکٹر ڈینیل واٹ نے بھی کمنٹ کیا ہے .

View this post on Instagram

A post shared by Rashid Khan (@rashid.khan19)

ڈینیل نے اپنے کمنٹ میں لکھا  ہے کہ ’’کیا محل ہے‘‘ ۔ انہوں نے ساتھ ہی جلتی آگ کی ایموجی بھی پوسٹ کی ۔

وہیں ڈیرن براوؤبھی ان کے اس گھر کو دیکھ کر حیران ہوگئے ۔ انہوں نے لکھا ہے کہ’’ واہ ، بھائی ، آپ کا گھر ہے یا کوئی ہوٹل ، محفوظ رہئے دوست‘‘ ۔راشد کی اس تصویر پر کئی کرکٹ فینس نے بھی کمنٹ کئے ہیں اور سبھی ان کے خوبصورت کی تعریف کررہے ہیں ۔

خیال رہے  کہ کورونا وائرس کی وجہ سےبھارت میں کھیلا جانیوالا  آئی پی ایل کا چودہواں سیزن 29 میچوں کے بعد غیر معینہ مدت کیلئے ملتوی کردیا گیا ہے ۔ راشد خان نے سات میچ کھیلے اور کل 17 وکٹ لئے ۔ وہ 2017 سے اس لیگ میں کھیل رہے ہیں اور ان کے نام ابھی تک 69 میچوں میں 85 وکٹ ہیں ۔

یہ بھی پڑھیں:  کورونا مزید 78 افراد کی جان لے گیا۔۔3 ہزار 447 نئے کیسز رپورٹ