کورونا مزید 78 افراد کی جان لے گیا۔۔3 ہزار 447 نئے کیسز رپورٹ

(24 نیوز) کورونا وائرس کے باعث پاکستان میں مزید 78 افراد جاں بحق ہو گئے جبکہ اس موذی مرض میں مبتلا 3 ہزار 447  افراد کے نئے کیسز رپورٹ ہوئے ہیں۔

تفصیلات کے مطابق نیشنل کمانڈ اینڈ آپریشن سینٹر کے اعداد شمار میں بتایا گیا ہےکہ ملک بھر میں کورونا سے اموات کی مجموعی تعداد 18 ہزار915  تک پہنچ گئی جبکہ متاثرہ افراد کی مجموعی تعداد 8 لاکھ 58 ہزار 26 ہو گئی ہے۔

ملک بھرمیں ایکٹو کیسز کی تعداد 81 ہزار 830 ہے اور 7 لاکھ 57 ہزار 281 افراد کورونا سے صحتیاب ہوچکے ہیں۔کورونا کے سبب سب سے زیادہ اموات پنجاب میں ہوئی ہیں جہاں9ہزار 32 افراد جان کی بازی ہار چکے ہیں جبکہ سندھ میں 4 ہزار 726، خیبرپختونخوا 3 ہزار 588، اسلام آباد 708، گلگت بلتستان 107، بلوچستان میں 247 اور آزاد کشمیر میں 507 افراد جان کی بازی ہار چکے ہیں۔اسلام آباد میں کورونا کیسز کی تعداد 77 ہزار 974، خیبرپختونخوا ایک لاکھ 23 ہزار 842، پنجاب 3 لاکھ 17 ہزار 972، سندھ 2 لاکھ 91 ہزار668، بلوچستان 23 ہزار324، آزاد کشمیر 17 ہزار 866 اور گلگت بلتستان میں 5 ہزار 380 افراد کورونا سے متاثر ہوچکے ہیں۔

یہ بھی پڑھیں:  کراچی ، لاہور اور اسلام آباد میں آج  افطار  کے اوقات