داتا دربار میں اعتکاف کیلئے درخواستوں کی وصولی کا آغاز
کیپشن: فائل فوٹو
سورس: گوگل
Stay tuned with 24 News HD Android App
(شاہد سپرا)داتا دربارلاہور میں اعتکاف بیٹھنے کے خواہشمند افراد سے درخواستوں کی وصولی کا آغازہوگیا۔
ماہ رمضان کے آخری عشرے میں اعتکاف بیٹھنے والوں سے 29 شعبان تک درخواستیں وصول ہونگی،درخواست کے ساتھ قومی شناختی کارڈ، میڈیکل سرٹیفکیٹ،اور متعلقہ تھانے کی تصدیق لازمی قراردی گئی ہے۔
درخواست کیساتھ پاسپورٹ سائز کی تصاویر جمع کروانا بھی لازمی قرار دیا گیاہے،جمع ہونیوالی درخواستیں سکروٹنی کے لئے سپیشل برانچ کو ارسال کی جائیں گی اورسپیشل برانچ سے کلیئرنس ملنے والوں کو داتا دربار میں اعتکاف بیٹھنے کی اجازت ہو گی۔
یہ بھی پڑھیں: میٹرک اور انٹرکے امتحانی نظام میں تاریخی اصلاحات کی منظوری
محکمہ اوقاف پنجاب کی جانب سے داتا دربار کے احاطے میں خصوصی کاؤنٹر قائم کیا جائیگااورانتظامیہ کی جانب سے خصوصی کاؤنٹر پر درخواستیں وصول کی جائیں گی۔