عمران خان نے جیل میں شاہ محمود قریشی کو گلے لگا کر عید کی مبارک باد دی

(ویب ڈیسک )پاکستان تحریک انصاف کے بانی چئیرمین عمران خان نے اڈیالہ جیل میں نماز عید ادا کی، شاہ محمود قریشی کو گلے لگایا۔

جیل ذرائع ککا کہنا ہے کہ سابق  وزیراعظم اور پاکستان تحریک انصاف کے بانی چیئرمین عمران خان نے مرکزی جامع مسجد اڈیالہ جیل میں عید الفطر کی نماز ادا کی۔ پارٹی رہنما شاہ محمود قریشی نے بھی عید کی نماز عمران خان کے ساتھ ادا کی، نماز کے بعد بانی چیئرمین پی ٹی آئی عمران خان اور شاہ محمود قریشی نے ایک دوسرے کو گلے لگایا اور عید کی مبارک باد دی۔

اس موقع پر جیل افسران نے بھی عمران خان کے ساتھ ہی نماز ادا کی۔

 ذرائع کے مطابق بانی چیئرمین پی ٹی آئی نماز کی پہلی صف میں موجود تھے، اس موقع پر اڈیالہ جیل میں سکیورٹی ہائی الرٹ رہی۔

یہ بھی پڑھیں : دنیا بھر میں عید الفطر منائی جا رہی ہے