پوپ لیو  سوشل میڈیا پر توجہ کا مرکز بن گئے

(ویب ڈیسک )رومن کیتھولک چرچ کے سربراہ  پوپ لیو  ایک غیر متوقع وجہ سے سوشل میڈیا پر توجہ کا مرکز بن گئے۔

70 سالہ پوپ کی یہ جھلک ایک دستاویزی فلم کے ٹریلر میں سامنے آئی، جس کا نام “Leone a Roma” ہے اور اسے ویٹیکن میڈیا کی جانب سے جاری کیا گیا ہے۔ ٹریلر میں پوپ لیو XIV کو سفید اسنیکرز پہنے دیکھا گیا جن پر نائکی کا معروف “سوش” لوگو موجود تھا۔

یہ غیر معمولی فیشن انتخاب دیکھ کر سوشل میڈیا صارفین حیران رہ گئے اور ان کی تصاویر اور ویڈیوز تیزی سے وائرل ہو گئیں، کئی صارفین نے انہیں “اسٹائل آئیکون” قرار دیا جبکہ ایک صارف نے مزاحیہ انداز میں لکھا: “Holy Drip” اور دوسرے نے کہا: “God bless those kicks”۔

 یہ بھی پڑھیں:طوفانی بارشیں ،سڑکیں دریا بن گئیں

رپورٹس کے مطابق پوپ کے پہنے گئے اسنیکرز ممکنہ طور پر 1970 کی دہائی کے ماڈل Nike Franchise Low ہیں، جنہیں بعد میں دوبارہ مارکیٹ میں پیش کیا گیا تھا۔

دستاویزی فلم میں پوپ لیو   کی زندگی اور ان کے ویٹیکن میں خدمات کے مختلف مراحل کو دکھایا گیا ہے، جس میں ان کا امریکہ سے روم تک کا سفر بھی شامل ہے۔

ان کے اس غیر روایتی انداز نے نہ صرف مذہبی حلقوں بلکہ فیشن اور سوشل میڈیا صارفین کو بھی حیران کر دیا ہے، اور وہ دنیا بھر میں ایک نئے انداز سے زیرِ بحث آ گئے ہیں۔