انتخابات کی تاریخ نہ دینے پر تحریک انصاف نے گورنر پختونخوا کو نوٹس بھجوا دیا

(24 نیوز )خیبر پختونخوا اسمبلی کے جنرل انتخابات کے لیے تاریخ نہ دینے کے معاملے پر تحریک انصاف نے گورنر خیبرپختونخوا غلام علی کو نوٹس بھجوادیا ہے ۔ 

تفصیلت کے مطابق پاکستان تحریک انصاف کے رہنماءتیمور سلیم جھگڑا نے گورنر غلام کونوٹس بجھوایا ہے ، جس میں کہا گیا ہے کہ گورنر غلام علی سپریم کور ٹ کی ہدایات کے باوجو د انتخابات کی تاریخ دینے میں لیت و لعل سے کام لے رہے ہیں ، گورنرخیبرپختونخوا فوری طور پر سپر یم کورٹ کے فیصلے پر من و عن عملدرآمد کریں ، عملدرآمد نہ کرنے کی صورت میں گور نر آرٹیکل 6کے مرتکب ہونگے۔ 

گورنر کےپی کو قانونی نوٹس بھیجا گیا ہے،چونکہ وہ ⁦@ECP_Pakistan⁩ کے ساتھ بات چیت کےبعد بھی انتخابات کی تاریخ دینے میں ناکام رہے تاکہ فوری طور پر کےپی کے عام انتخابات کی تاریخ کا اعلان کریں۔

مزید کارروائی میں آئین کی خلاف ورزی کرنےپر آرٹیکل 6 کے تحت کیس شامل ہوگا۔ pic.twitter.com/DczgSpcbac

— Taimur Khan Jhagra (@Jhagra) March 9, 2023

تیمور سلیم جھگڑا کی جانب سے مزید کہا گیا ہےکہ آئین کے مطابق اسمبلی تحلیل ہونے کی صورت90روز کے اندر نئے انتخابات کا انعقاد ضروری ہے۔