آبنائے ہرمز میں چینی آئل ٹینکر پر حملہ، بیجنگ میں تشویش

( ویب ڈیسک)چینی وزارت خارجہ نے تصدیق کی ہے کہ آبنائے ہرمز میں چینی عملے پر مشتمل ایک آئل ٹینکر حملے کی زد میں آیا ہے۔

چین کے مطابق یہ واقعہ پیر کے روز پیش آیا جس کے بعد بیجنگ کی جانب سے صورتحال کی کڑی نگرانی کی جا رہی ہے۔

چینی وزارت خارجہ کی جانب سے جاری کردہ بیان کے مطابق حملے کے وقت جہاز پر چینی شہری موجود تھے، تاہم خوش قسمتی سے ابھی تک کسی جانی نقصان کی اطلاع موصول نہیں ہوئی ہے۔

عالمی خبر رساں اداروں کا کہنا ہے کہ یہ حملہ پیر کے روز اس وقت کیا گیا جب آئل ٹینکر عالمی تجارت کے لیے اہم سمندری گزرگاہ آبنائے ہرمز سے گزر رہا تھا۔

 یہ بھی پڑھیں:پیپلز پارٹی کو بڑا جھٹکا ، اہم رہنما کی مسلم لیگ ن میں شمولیت  کی تیاریاں

چینی حکام کا کہنا ہے کہ وہ واقعے کی تفصیلات جمع کر رہے ہیں اور اپنے شہریوں و اثاثوں کی حفاظت کو یقینی بنانے کے لیے تمام ضروری اقدامات کیے جا رہے ہیں۔ فی الحال حملے کی نوعیت اور اس کے پیچھے ملوث عناصر کے بارے میں مزید تفصیلات فراہم نہیں کی گئی ہیں۔