عدت میں ہی  سابق گورنر سندھ سے مبینہ نکاح،صحافی ارشد شریف کی بیوہ  نے خاموشی توڑ دی 

(حسنین محی الدین ) شہید صحافی ارشد شریف  کی بیوہ  جویریہ  صدیق  نے عدت میں ہی  پی ٹی آئی رہنما عمران اسماعیل سے مبینہ نکاح کی خبروں پر  خاموشی توڑ دی ہے ۔

تفصیلات کے مطابق گزشتہ چند روز سے سوشل میڈیا پر خبریں زیر گردش تھیں  کہ  شہید صحافی ارشد شریف کی بیوہ جویریہ  صدیق نے  عدت کے دوران ہی پاکستان تحریک انصاف   کے سینئر  رہنما اور سابق گورنر سندھ عمران اسماعیل سے نکاح کر لیا ہے ، جس پر اب جویریہ صدیق نے خاموشی توڑتے ہوئے انتہائی جذباتی بیان جاری کیا ہے ۔

سماجی رابطوں کی سائیٹ ٹویٹر پر پیغام میں جویریہ صدیق نے اپنے شہید شوہر کو یاد کرتے ہوئے لکھا کہ ’’ارشد تم تو کہتے تھے یہ مردوں کی جنگیں ہیں بات عورتوں تک نہیں آئے گی ، بیٹیاں بہنیں سانجھی ہوتی ہیں ،  ارشد اس ملک میں ایسا نہیں ہوتا ، دیکھو بیوگی میں بھی میرے سر سے چادر کھینچ رہے ہیں کیا یہ اسلامی ملک ہے ؟۔

ارشد تم تو کہتے تھے یہ مردوں کی جنگیں ہیں بات عورتوں تک نہیں آئے گی بیٹیاں بہنیں سانجھی ہوتی۔ ارشد اس ملک میں ایسا نہیں ہوتا دیکھو بیوگی میں بھی میرے سر سے چادر کھینچ رہے ہیں کیا یہ اسلامی ملک ہے ؟

— Javeria Siddique (@javerias) February 8, 2023

جویریہ نے ایک اور ٹویٹ کی اور لکھا کہ  ’’میرے شوہر کو گولی سے مار دیا  اور مجھے کردار کشی سے ماریں گے ، یا اللہ انصاف کر‘‘۔

میرے شوہر کو گولی سے مار دیا مجھے کردار کشی سے ماریں گے ۔
یا اللہ انصاف کر

— Javeria Siddique (@javerias) February 8, 2023

ارشد شریف  کی بیو ہ کے بارے میں   سوشل میڈیا پر افواہیں گردش کر رہی تھیں  کہ انہوں نے عدت کے دوران ہی عمران اسماعیل سے نکاح کر لیا ہے، لیکن نکاح کو پوشیدہ رکھا گیا ہے ۔

کل سے سوشل میڈیا پر خبر گردش کر رہی ہے کہ مرحوم ارشد شریف کی بیوہ جویریہ صدیق نے بھی دوران عِدَّت میں عمران اسماعیل سے خفیہ نکاح کر لیا ہے

اگر یہ خبر واقعی سچ ہے تو
ریاست مدینہ والوں کو سلام ہے pic.twitter.com/CjHsWFgmup

— Malik Rizwan Ahmed PML-N (@MalikRi62751771) February 7, 2023

یہ بھی پڑھیں: سونا پھر سستا، چاندی کا بھی ریٹ گر گیا، قیمت میں بڑی کمی