شہباز شریف آج پری بجٹ بزنس کانفرنس سے خطاب کریں گے

 (ویب ڈیسک)وزیر اعظم شہباز شریف آج پری بجٹ بزنس کانفرنس سے خطاب کریں گے  جس میں وہ کاروباری برادری سے بجٹ پر مشاورت اور تجاویز لیں گے۔

سماجی رابطے کی سائٹ ٹوئٹر پر جاری اپنے بیان میں وفاقی وزیر اطلاعات مریم اورنگزیب کا کہنا ہے کہ وزیر اعظم شہباز شریف پاکستان کی معاشی ترقی اور خوشحالی کے لئے اپنا وژن کاروباری برادری کے سامنے رکھیں گے۔

وزیراعظم شہباز شریف آج 'بزنس کانفرنس' سے خطاب کریں گے، ملک بھر سے کاروباری برادری شریک ہو گی ملک بھر کی کاروباری برادری سے بجٹ پر اہم مشاورت کریں گے
وزیراعظم شہبازشریف پاکستان کی معاشی ترقی اور خوشحالی کے لئے اپنا وژن کاروباری برادری کے سامنے رکھیں گے#PMBusinessConference pic.twitter.com/bbr4NiiJtm

— Marriyum Aurangzeb (@Marriyum_A) June 7, 2022

 مریم اورنگزیب کا یہ بھی کہنا ہے کہ وزیر اعظم کانفرنس میں میثاق معیشت کے لیے نیشنل ڈائیلاگ کا آغاز کریں گے،انہوں نے کہا کہ زراعت، فوڈ سیکیورٹی، توانائی، آئی ٹی، ٹیکسٹائل، مینوفیکچرنگ، برآمدات اور دیگر شعبوں پر قابل عمل تجاویز کا جائزہ لیا جائے گا۔

یاد رہے کہ آئندہ مالی سال کا وفاقی بجٹ 10 جون کو پیش کیا جائے گا، جس کا نوٹیفکیشن جاری کردیا گیا۔