معروف نعت خواں جنید جمشید کی 7ویں برسی آج منائی جارہی ہے 

(ویب ڈیسک) معروف نعت خواں اورماضی کے مقبول گلوکار جنید جمشید کی 7ویں برسی آج منائی جارہی ہے۔

7دسمبر 2016 کوجنید جمشید پی آئی اے کے اُس بدقسمت طیارے میں سوار تھے جو چترال سے اسلام آباد آتے ہوئے حویلیاں کے قریب حادثے کا شکار ہوا۔

اس سانحے میں جاں بحق ہونے والے 52 سالہ جنید جمشید اپنی اہلیہ کے ہمراہ چترال میں تبلیغی دورے کے بعد اسلام آباد جا رہے تھے۔

3 ستمبرسن 1964کو کراچی میں پیداہونے والے جنید جمشید نے کیریئر کا آغاز میوزک بینڈ وائٹل سائنز سے کیا اورپہلے  ہی البم کی ریلیز نے انہیں شہرت کی ان بلندیوں تک پہنچایا جس کی مثال آج بھی ملنا مشکل ہے۔

مزید پڑھیں: حماس کی جانب سے رہا اسرائیلی یرغمالی نیتن یاہو پر برس پڑے 

البم میں شامل گیت ’ دل دل پاکستان ‘ نے ریکارڈ قائم کیا،1999میں ریلیز کی گئی ان کی دوسری سولو البم کے کئی گیت اُس دور کے سپر ہٹس میں شامل رہے۔

سن 2002 میں اپنی چوتھی اورآخری البم کے بعد اسلامی تعیلمات کی جانب ان کا رجحان بڑھنے لگا اورماضی کے پاپ اسٹارایک نعت خواں کے طورپرابھرتے نظر آئے۔