ایم کیو ایم پاکستان نے گورنرسندھ کا نام نگران وزیراعظم کیلئے تجویزکردیا

(ویب ڈیسک)ایم کیو ایم پاکستان کےکنوینئر خالد مقبول صدیقی نے  نگران وزیراعظم کے لیے گورنر سندھ کامران ٹیسوری کا نام تجویز کر دیا۔

وزیراعظم شہباز شریف سے ایم کیو ایم پاکستان کے وفد نے وزیراعظم ہاؤس میں ملاقات کی جس میں خالد مقبول صدیقی نے نگران وزیراعظم کے لیے گورنر سندھ کامران ٹیسوری کا نام تجویزکیا۔

نجی ٹی وی کےذرائع کے مطابق وزیراعظم سے ایم کیو ایم وفدکی ملاقات میں کےالیکٹرک سے متعلق امور پر بھی بات ہوئی،اس ملاقات میں وزیراعظم شہباز شریف نےگورنر سندھ کو حیدرآباد یونیورسٹی کا سنگ بنیاد رکھنےکی ہدایت کر دی۔

ضرور پڑھیں:نگران وزیراعظم کی دوڑ میں کون کون شامل؟مزید نام سامنے آگئے

خیال رہےکہ وزیراعظم شہباز شریف نے 9 اگست کو قومی اسمبلی تحلیل کرنےکی تاریخ دی ہے جبکہ موجودہ قومی اسمبلی کی مدت 12 اگست کی رات 12 بجے ختم ہو رہی ہے۔نگران وزیراعظم کے حوالے سے وزیر داخلہ رانا ثنا اللہ کہ چکے ہیں کہ ایک دو روز میں نگران وزیراعظم کا نام فائنل ہو جائے گا۔