عمران خان اپنے مشیروں سے ہوشیار رہے۔پرویز الہی کا وزیر اعظم کومشورہ

(ویب ڈیسک) پرویز الہیٰ نے وزیراعظم عمران خان کو  خصوصی پیغام دیتے ہوئے کہا ہے کہ مجھے حیرانگی ہے تحریک انصاف کی طرف سے میڈیا ہاوسز کو کیوں نشانہ بنایا جا رہا ہے۔ عمران خان اپنے مشیروں سے محتاط رہیں۔ 

تفصیلات کے مطابق مسلم لیگ  ق کے صدر اور اسپیکر پنجاب اسمبلی پرویز الہی نے حکومتی اتحادی جماعت نے ایک بار پھر اپنے تحفظات کا اظہار کرتے ہوئے وزیراعظم عمران خان کو پیغام بھجوایا ہے  کہ آپ کےمشیر غلط بیانی سے حکومت اور میڈیا کے درمیان خلیج حائل کر رہے ہیں۔وزیراعظم سے درخواست ہے کہ وہ اپنے مشیران سے محتاط رہیں۔ 

  پرویز الہی نے  پیغام میں کہا ہے کہ تحریک انصاف کے ممبران کو میڈیا میں جانے سے روکنے کی اطلاعات ہیں،  اپنے ممبران کو مخصوص چینلز میں نہ جانے دینے پر تشویش ہے، اس سے تحریک انصاف اپنا نقطہ نظر متوازن طریقے سے عوام کے سامنے نہیں رکھ پائے گی،وزیر اعظم اور پارٹی قیادت سے فیصلے پر نظر ثانی کی دراخوست کرتے ہیں۔

چند اخبارات  اور میڈیا ہاوسز کے اشتہارات بند کرنے پر بھی اظہار تشویش کرتے ہوئے اسپیکر پنجاب اسمبلی کا کہنا تھا کہ آزادی اظہار رائے جموریت کا حسن ہے، وزیر اعظم نے مجھے میڈیا ہاؤسز اور حکومت کے درمیان پیکا آرڈیننس کے حوالے سے معاملات سلجھانے کا ٹاسک دیا ہے، لیکن مجھے حیرانگی ہے کہ تحریک انصاف کی طرف سے میڈیا ہاوسز کو کیوں نشانہ بنایا جا رہا ہے، اشتہارات پر پابندی بظاہر پیکا آرڈیننس کے تناظر میں لگائی گئی ہے، سرکاری اشتہارات عوام کے پیسے ہیں جن کو مخصوص اخبارات اور چینل کو نشانہ بنانے کے لیے استعمال نہیں کیا جانا چاہیے۔

 یہ بھی پڑھیں:    لیہ:مسافر وین اور کار میں تصادم، 6افراد جاں بحق10زخمی