اہم اسلامی ملک میں صدر کے عہدے کیلئے4 خواتین سمیت 81 امیدوار سامنے آگئے

(ویب ڈیسک) عراق کے صدارتی انتخاب میں چار خواتین سمیت کل 81 امیدوار سامنے آگئے۔

 اماراتی نیوز ایجنسی  کے مطابق عراقی آئین کے تحت پارلیمنٹ کو اپنے پہلے اجلاس کے 30 دنوں کے اندر دو تہائی اکثریت سے ملک کے صدر کا انتخاب کرنا ہوتا ہے،نو منتخب عراقی پارلیمنٹ نے انتخابات کے تقریباً دو ماہ بعد 29 دسمبر کو اپنا پہلا اجلاس منعقد کیا جس کے دوران اس نے ایک سپیکر اور ایک فرسٹ ڈپٹی سپیکر کا انتخاب کیا۔

پارلیمنٹ کی دو تہائی اکثریت کی حمایت سے انتخاب کے بعد صدر کو 15 دنوں کے اندر وزیراعظم کو نامزد کرنا ہوگا، نامزد شخص آئین کے مطابق سب سے بڑے پارلیمانی بلاک سے ہونا چاہیے ،وہ ایگزیکٹو اتھارٹی کے موثر سربراہ کے طور پر کام کرتا ہے، اسے حکومت بنانے کے لیے 30 دن کی مہلت دی جاتی ہے۔

 کردستان ڈیموکریٹک پارٹی نے نگران حکومت میں وزیر خارجہ فواد حسین اور اربیل کے سابق گورنر نوزاد ہادی کو اس عہدے کے لیے نامزد کیا ہے۔

 دریں اثنا، پیٹریاٹک یونین آف کردستان نے اعلان کیا کہ اس کے واحد امیدوار سابق وزیر برائے ماحولیات نثار امیدی ہیں دیگر نمایاں امیدواروں میں موجودہ عراقی صدر عبداللطیف راشد بھی شامل ہیں۔

یہ بھی پڑھیں :  ایک انار 100 بیمار ! صدر کے عہدے کیلئے4 خواتین سمیت 81 امیدوار سامنے آگئے