علیمہ خان کو انڈہ مارنا شرمناک، گھٹیاپن اور بازاری حرکت کے سوا کچھ نہیں: سعد رفیق

(24نیوز)سابق وفاقی وزیر خواجہ سعد رفیق نےکہا ہے علیمہ خان کو انڈہ مارنا شرمناک، گھٹیاپن اور بازاری حرکت کے سوا کچھ نہیں ہے۔

سعد رفیق نے سوشل میڈیا پر اپنے بیان میں کہا کہ یہ عمل ہرلحاظ سے قابل مذمت ہے، نوازشریف پر جوتا اچھالنا اور خواجہ آصف پر سیاہی پھینکنا بھی اسی فاشسٹ سوچ کا نتیجہ تھے۔

سعد رفیق کا کہنا تھا بستر مرگ پر پڑیں بیگم کلثوم نواز کے اسپتال کے سامنے ہڑبونگ مچایا گیا، مریم اورنگزیب پر مسجد نبوی میں حملہ بھی اسی غلیظ مائنڈسیٹ کا شاخسانہ تھا، احسن اقبال پرگولی چلانا قابل مذمت ،مذہبی انتہا پسندی تھا۔

سعد رفیق نے اپنی پوسٹ پر لکھا کہ افسوس!زہر کے بیج بو کر تریاق کا پھل نہیں کاٹا جا سکتا، ہر سطح پر اس طرز عمل کی حوصلہ شکنی،مذمت اور اسکے خلاف مزاحمت لازم ہے۔ 

آواز ِ دروں —••—

محترمہ علیمہ خان صاحبہ کو انڈہ مارنا شرمناک گھٹیا پن بازاری حرکت کے سوا کچھ نہیں!

یہ عمل ھر لحاظ سے قابل ِ مذمت ھے !

محترم میاں نواز شریف پر جوتا اچھالنا اور خواجہ آصف پر سیاھی پھینکنا بھی اسی فاشسٹ سوچ کا نتیجہ تھے

بستر ِ مرگ پر پڑیں بیگم کلثوم…

— Khawaja Saad Rafique (@KhSaad_Rafique) September 5, 2025

یہ بھی پڑھیں:6تا9پنجاب اور سندھ میں موسلادھار بارشیں، فلڈ الرٹ جاری