وزیراعظم شہباز شریف نے بڑا حکم دیدیا

 (24نیوز ) نیشنل ڈیزاسٹر مینجمنٹ اتھارٹی (این ڈی ایم اے) کی درخواست پر وزیر اعظم شہباز شریف نے  فوری کارروائی کی ہدایت دیتے ہوئے  سوات کے علاقے پتنئی میں آگ بجھانے کے لئے 2 ہیلی کاپٹر فراہم کرنے کا حکم  دیدیا۔

تفصیلات کے مطابق وزیراعظم نے خیبرپختونخوا کی ضلعی انتظامیہ اور معاون اداروں کی درخواست فوری منظور کرتے ہوئے آگ بجھانے کی ہدایات جاری کیں ، وزیراعظم نے ہدایت کی ہے کہ آگ بجھانے کے لئے فضائی امداد فوری فراہم کی جائے۔

 خشک موسم اور تیز ہوا کے سبب آگ کو مزید پھیلنے سے بچانے کے لئے ہیلی کاپٹرز مانگے گئے تھے ۔

دوسری جانب ضلعی انتظامیہ، محکمہ جنگلات اور ریسکیو 1122 مل کر تحصیل بابوزئی کےپتنئی مینگورہ علاقے میں آگ بجھا رہے ہیں۔

یہ بھی پڑھیں: عید قربان کی آمد آمد۔جانور خریدنے والوں کو ماہرین نے خبردار کر دیا