عاصم اظہر کی 'غلط فہمی' کے سرحد پار چرچے

Jul 05, 2021 | 19:19:PM
عاصم اظہر کی 'غلط فہمی' کے سرحد پار چرچے

(24نیوز) مقبول گلوکار عاصم اظہر کی غلط فہمی کے سرحد پار بھی چرچے ہوگئے۔

عاصم اظہر نے حال ہی میں اپنے ٹوئٹر اکاﺅنٹ پر ایک ویڈیو شیئر کی ہے جس میں کچھ لڑکے بیٹھے ڈھول اور دیگر موسیقی کے آلات کے ساتھ عاصم اظہر کا گانا غلط فہمی گا رہے ہیں۔انہوں نے اپنے ٹوئٹ میں بتایا کہ یہ بھارت کے شہر دہلی کے کچھ لڑکے ہیں جو ان کا گانا گا رہے ہیں۔

گلوکار نے بتایا کہ یہ ویڈیو انہوں نے آج دیکھی اور اس ویڈیو نے ان کا دن بہترین بنا دیا ہے۔اپنے ٹوئٹ میں انہوں نے ویڈیو میں موجود لڑکوں کیلئے سرحد پار سے پیار اور محبت کا اظہار بھی کیا۔

خیال رہے کہ عاصم اظہر کا گانا اگست 2020 میں ریلیز ہونے والی پاکستانی فلم سپر اسٹار میں شامل کیا گیا تھا۔

یہ بھی پڑھیں:کنگ خان نے عالیہ بھٹ سے انوکھی خواہش کا اظہار کر ڈا لا