فیض آباد دھرنا کمیشن کے سامنے فواد حسن فواد نے بیان ریکارڈ کروا دیا
Stay tuned with 24 News HD Android App
(اویس کیانی) نگراں وفاقی وزیر فواد حسن فواد نے فیض آباد دھرنا کمیشن کو اپنا بیان ریکارڈ کرا دیا۔
ذرائع کے مطابق ڈاکٹر اختر علی شاہ کی زیرِ صدارت فیض آباد دھرنا کمیشن کا اجلاس ہوا۔
فواد حسن فواد نے 22 نومبر 2017ء کے کابینہ اجلاس پر اپنی معلومات شئیر کیں۔
ذرائع نے بتایا کہ فیض آباد دھرنا کمیشن کے سربراہ اختر علی شاہ نے فواد حسن فواد سے سوال کیے۔
فواد حسن فواد کو کمیشن کی طرف سے سوالنامہ بھی جاری کیا جائے گا۔
یہ بھی پڑھیے: توہین الیکشن کمیشن کیس، عمران خان کاٹرائل اڈیالہ جیل میں ہوگا یا نہیں، فیصلہ کل سنایا جائے گا
خیال رہے کہ فواد حسن فواد فیض آباد دھرنا کے وقت وزیراعظم کے پرنسپل سیکرٹری تھے، اس سے قبل سابق وزیراعظم شاہد خاقان عباسی، سابق وزیر داخلہ احسن اقبال کو بھی سوالنامے دیے جا چکے ہیں جبکہ سابقہ آئی جی پنجاب اور سی پی او راولپنڈی بھی کمیشن کے سامنے پیش ہو چکے ہیں۔
سپریم کورٹ کی ہدایت پر وزارت قانون و انصاف کے نوٹیفکیشن کے بعد کمیشن اپنی کارروائی جاری رکھے ہوئے ہے لیکن کمیشن کی جانب سے تاحال فیض حمید کو بلانے کا فیصلہ نہیں کیا گیا۔